°•..•° ShaBaBrWeSh °•..•°

اكبر تجمع شبابى رومانسى على الانترنت
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة
» متعرفش الجزائر ؟!!!..يبقا خش ومش هتندم
الثلاثاء نوفمبر 18, 2008 5:37 am من طرف ايـــمان

» للحصول على اسنان بيضاء
السبت نوفمبر 15, 2008 10:59 am من طرف ايـــمان

» هترحبو بيااا ولا اررررررروح بيتناااااااااا
الجمعة أكتوبر 31, 2008 6:12 am من طرف demo ash

» عضو جديد طالب الترحيب
الجمعة أكتوبر 31, 2008 6:08 am من طرف demo ash

» اللوتة وكرسي الاعتراف
الخميس أكتوبر 30, 2008 11:05 am من طرف روميو الحزين

» ExClusive.Blondie.Parallel Lines.30th Anniversary Deluxe Edition.Full Album.2Oo8, Pop Rock | 2008 | Full CD + Bonus | Front & Back Cover Incl
الخميس أكتوبر 30, 2008 9:47 am من طرف صقر بورسعيد

» كلمات الغناء في ميزان الشريعة
الخميس أكتوبر 30, 2008 9:44 am من طرف صقر بورسعيد

» الأوزان الشعرية لمن ان أراد ان يتعلم الشعر والقافية
الخميس أكتوبر 30, 2008 9:32 am من طرف صقر بورسعيد

» جبتلكم كولكشن ياشباب على ذوقى
الخميس أكتوبر 30, 2008 9:21 am من طرف صقر بورسعيد

أفضل 10 أعضاء في هذا المنتدى
دندونه
 
ايـــمان
 
روميو الحزين
 
H.E.R.O
 
روميو
 
THAT IS THE REAL LOVE
 
white_cat
 
ندوش
 
سكرتير ابليس
 
mahmood
 
تصويت
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 عفوا الشباب خارج الخدمه او ربما يكون........!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
روميو الحزين
المدير العام للمنتدى
المدير العام للمنتدى


ذكر
عدد الرسائل : 225
افضل مغنى : رامى صبرى
افضل اغنيه : الف ما شاء الله
افضل فلم : الريس/عمر حرب
افضل ممثل : خالد صالح
اهتاماتى : الانترنت والكونغ فو
تاريخ التسجيل : 09/09/2008

مُساهمةموضوع: عفوا الشباب خارج الخدمه او ربما يكون........!   الثلاثاء سبتمبر 16, 2008 12:26 pm

هل أنت لاقدر الله مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة و الكافتريا

واللف مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات

فكل الدراسات والأبحاث تشير إلى أن الشباب المصرى عليه العوض و منه العوض
وهو في أسوأ حالاته الثقافية في ظل أزهى عصور الحرية والديموقراطية
والتقدم .......!!

- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )

حيث تشير إحدى الدراسات إلى أن:





80% لا يقرأون الصحف و70% من الشباب الذين يشاهدون التلفزيون..أنهم يفعلون
ذلك بدافع الهروب وقتل الوقت وتحتل البرامج الدينية المرتبة الأولى في
قائمة البرامج التي لا يهتم الشباب بمشاهدتها بنسبة 64% - لا شباب متدين
صحيح -


أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -


وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب
النادي الأهلي - بينما أكد 17% من الشباب أن عدد الأحزاب في مصر هو ثلاث
أحزاب..وأكتشف البحث أن 50% من الشباب لا يعرفون عدد الأحزاب الموجودة في
مصر..مع العلم أن بها 22 حزب (يا ترى أنت كمان كنت عارف؟؟ ولا انت من
الــ50%) _ على فكرة انا منهم


( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم


وهذا هو نفس سبب سقوط الحكومة في فرنسا حينما قام طلاب الجامعة هناك
بمظاهرات حتى أسقطوا الحكومة عندما قدمت قوانين للعمل لا تناسبهم.. )


طب تعالوا نشوف ازاى الشباب المصرى بيستفيد من الانترنت


فحسب تصنيف مؤسسة أليكسا العالمية عن أكثر 100 موقع يدخله المصريون كان
ترتيب هذه المواقع هى مواقع الشات..والمواقع والمنتديات الجنسية ثم مواقع
تحميل الأفلام ومواقع نوادي الكرة ومواقع النغمات والبلوتوث ولم تشمل هذه
القائمة سوى 4 مواقع إسلامية في حين أنها لم تشمل على أى موقع علمي!!!



لكن الكارثة الكبرى هى أن مصر تحتل المركز الثاني في قائمة أكثر 10 مناطق
فى العالم بحثاً عن المواقع الإباحية على شبكة الإنترنت وفقاً لتصنيف محرك
البحث جوجل !!..


فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )


فنلاقي مثلاً إن الهند تحتل المركز الأول على العالم فى البحث عن
البرمجيات وده يفسر لنا ليه الهند هى الأولى على العالم فى صناعة
البرمجيات الآن؟؟


طب و بعدين ايه اللى حصل

اللى حصل بقى
ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع
الواقع وبلاش كلام الاحصائيات الخايب ده ورفعوا شعار عمار يامصر و بلدنا
لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى
الشباب الجامعي المثقف..


فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه

( 20 طالب )

وكانت النتيجة ان معظم الطلاب 17طالب يستخدمون النت للشات
( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
( الحمد لله أهو لقينا حد بيقرا حاجة ) ..

طبعاً مش لازم تبقى محمد حسنين هيكل..ولا لازم تكون فهمي هويدي
( مصيبة لا تكون مش عارف دول كمان )
لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟

لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر
.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف
.. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين

.. فحين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه

هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج

هو موضوع احتمال طبعه هجومي بس واقع ومش هيعجب
كتير ومش هلاقى عليه ردود بس برده نزلته المعرفة بالشئ ولا
الجهل بيه .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://romancey.dahek.net
H.E.R.O
رومانسى مميز
رومانسى مميز


ذكر
عدد الرسائل : 223
العمر : 28
تاريخ التسجيل : 09/09/2008

مُساهمةموضوع: رد: عفوا الشباب خارج الخدمه او ربما يكون........!   الثلاثاء سبتمبر 16, 2008 12:37 pm


الموضوع جميل وهادف ومش معني اننا فينا سلبيات يبقي نهاجم اللي بيكشفهلنا بدل اما نشكره وفي حكمة بتقول : (رحم الله رجلا اهدي الي عيوبي) وفي مثل كانت جدتي الله يرحمها دايما تقولهولي : (يابخت من بكاني وبكي عليا ولا ضحكنيش وضحك الناس عليا ) ومع ذالك انا شايف ان الصورة مش سوودة للدرجة دي لا دا مجرد حالة خمول وتوهان ولو الشباب دي لقت حد يوعيها اكيد هتتغير وهتاخدها جد لكن للأسف لو حد حاول يصلح بيبقي مصيره معروف عشان كده لازم كلنا نتغير ومنستناش لما حد ييجي ويغيرنا ربنا يهدينا جميعا
مشكووور يااا حووده مواضيعك كلها جميلة وممتعه وهادفة بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روميو الحزين
المدير العام للمنتدى
المدير العام للمنتدى


ذكر
عدد الرسائل : 225
افضل مغنى : رامى صبرى
افضل اغنيه : الف ما شاء الله
افضل فلم : الريس/عمر حرب
افضل ممثل : خالد صالح
اهتاماتى : الانترنت والكونغ فو
تاريخ التسجيل : 09/09/2008

مُساهمةموضوع: رد: عفوا الشباب خارج الخدمه او ربما يكون........!   الثلاثاء سبتمبر 16, 2008 5:34 pm

شكرا يا هيرو على مرورك الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://romancey.dahek.net
THAT IS THE REAL LOVE
رومانسى جديد
رومانسى جديد


ذكر
عدد الرسائل : 61
العمر : 25
المزاج : تماموووووووز
تاريخ التسجيل : 11/09/2008

مُساهمةموضوع: رد: عفوا الشباب خارج الخدمه او ربما يكون........!   الجمعة سبتمبر 19, 2008 10:40 am

جميل يا حودة بس انا ساعات باقرا رجل المستحيل يا مان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روميو
رومانسى جديد
رومانسى جديد


عدد الرسائل : 81
تاريخ التسجيل : 10/09/2008

مُساهمةموضوع: رد: عفوا الشباب خارج الخدمه او ربما يكون........!   الخميس سبتمبر 25, 2008 4:45 pm

حوووووووووده تسلم ايدك
بجد هاااااااااااااايل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عفوا الشباب خارج الخدمه او ربما يكون........!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
°•..•° ShaBaBrWeSh °•..•° :: 
اقسام الشباب والبنات
 :: منتدي الشباب
-
انتقل الى: